उर्लाबारी, १० असार/मोरङको उर्लाबारी नगरपालिकाले आगामी आर्थिक वर्ष २०८३/०८४ को एक अर्ब बढी बजेट प्रस्तुत गरेको छ ।
सो नगरपालिकाको बुधबार भएको १६ औं अधिवेशनमा उपप्रमुख मिना खतिवडाले उक्त बजेट प्रस्तुत गरेकी हुन् ।
नगरपालिकाले कृषि विकासका लागि एक करोड ६२ लाख, पशुपन्छी विकासका लागि ८५ लाख १७ हजार र पर्यटन विकासका लागि ४४ लाख गरी आर्थिक विकासका लागि पांच करोड ७६ लाख ८२ हजार रुपैयां विनियोजन गरेको छ ।
