बसन्तपुर, ६ साउन/नेपाली कांग्रेसनिकट नेपाल लोकतन्त्रवादी आदिवासी जनजाति महासंघ कोशी प्रदेशको दोस्रो बैठक मंगलबार तेह्थुमको बसन्तपुरमा सम्पन्न भएको छ ।
लालिगुरांस नगरपालिका वडा नं २ स्थित सामुदायिक भवनमा आयोजित बैठकमा सहभागीहरुले लोकतान्त्रिक राज्य व्यवस्थालाई वलियो वनाउन आदिवासी जनजातिबीचको एकतालाई जोड दिएका छन् ।
महासंघ कोशी प्रदेश अध्यक्ष भेदप्रसाद फागो (भेषराज) को अध्यक्षतामा भएको बैठकमा सहभागीहरुले आदिवासी जनजातिको भाषा, लिपि, संस्कार र संस्कृतिको विकासका लागि प्रभावकारी भूमिका अपरिहार्य रहेको औंल्याएका छन् ।
बैठकमा सहभागीहरुले आपसमा फुटेर होइन जुटेर अगाडि बढ्ने प्रतिबद्धता व्यक्त गरेका छन् ।
बैठकमा महासंघका तेह्थुम अध्यक्ष गोविन्द मादेम्बा, संखुवासभा उपाध्यक्ष लक्ष्मी लिम्बु, लालिगुरांस अध्यक्ष दिलकुमार गुरुङ, प्रदेश सदस्य राम लिम्बुलगायतले धारणा राखेका थिए ।
बैठकमा कार्यसमिति सदस्यहरुलाई सफथसहित प्रमाणपत्र वितरण समेत गरिएको थियो ।
महासंघकी प्रदेश सचिव निर्मला गुरुङले सन्चालन गरेको बैठकमा उपाध्यक्ष पम्फा धिमालले स्वागत मन्तब्य राखेकी थिइन् ।
