उर्लाबारी, ३० वैशाख/मोरङको उर्लाबारी नगरपालिकामा मंगलबार आयोजित सार्वजनिक सुनुवाई कार्यक्रममा एक सहभागीले उपमेयर मिना खतिवडा माथि प्रश्न गरे- ‘विदाको दिनमा पनि सरकारी गाडिको प्रयोग किन ?
जवाफमा उपमेयर खतिवडाले भनिन्-‘चुनावका वेला हामीले जनता माझ व्यक्त गरेका प्रतिवद्धता पुरा गर्न पैदल हिंडेर सम्भव हुदैन, त्यसैले गाडि चढेर भएपनि विदाको दिन नभनी काम गर्नुपर्ने हुन्छ ।’
कार्यक्रममा सहभागी उर्लाबारी-४ का भुवन ढुंगानाले उपमेयर खतिवडा माथि पुन : प्रश्न थपे-‘पार्टीको काममा अस्ती विराटनगर जांदा किन सरकारी गाडी प्रयोग गर्नुभयो ? चीया नास्ता खान जांदा समेत उपमेयर खतिवडाले सरकारी गाडी प्रयोग गरेको ढुंगानाको आरोप छ ।
उपमेयर खतिवडा मात्र होइन धेरैजसो जनप्रतिनिधि र उच्च पदस्थ कर्मचारीहरु सरकारी कामकाज वाहेकको समयमा समेत सरकारी गाडीको दुरुपयोग गर्नेगरेका छन्, जुन सरकारी सवारी साधन सन्चालन सम्बन्धी कार्यविधि विपरित हो ।
उपमेयर खतिवडा माथि मात्रै प्रश्न होइन अन्य जनप्रतिनिधि र उच्च पदस्थ कर्मचारी माथि समेतलाई प्रश्न हो यो।
सन्चार क्लव नेपालद्वारा आयोजित कार्यक्रममा मेयर गंगा खरेल भने अस्वस्थताका कारण सहभागी भएनन् ।
