उर्लाबारी, १७ चैत/मोरङको उर्लाबारी–९ आमबाडीस्थित सार्वजनिक माध्यमिक विद्यालयमा अध्ययनरत ४० जना वालवालिकाहरुलाई विद्यालय पोशाक वितरण गरिएको छ ।
इलाका प्रशासन कार्यालय मंगलबारेका अधिकृत शिव सुवेदीले व्यक्तिगत खर्चमा ती वालवालिकाहरुलाई पोशाक वितरण गरेका हुन् । विद्यालयका पूर्व विद्यार्थी समेत रहेका सुवेदीले ४० हजार रुपैयाँ मुल्य बराबरको पोशाक वितरण गरेको विद्यालयले जनाएको छ ।
अधिकृत सुवेदीले आफ्नो स्व.बुवा रामप्रसाद सुवेदीको नाममा स्थापना गरेको अक्षय कोषबाट समेत सोही विद्यालयमा अध्ययनरत छजना वालवालिकालाई नगद पुरस्कार प्रदान गरेका छन् । गरीब तथा जेहेन्दार विद्यार्थीहरुलाई लक्षीत गरी सुवेदी परिवारले एक लाख ११ हजार १११ रुपैयाँको ‘रामप्रसाद सुवेदी अक्षय कोष’ स्थापना गरेका छन् । उक्त अक्षय कोषको व्याजबाट वर्षेनी सो विद्यालयमा अध्ययनरत वालवालिकाहरुलाई छात्रवृत्ती प्रदान गर्नेगरिएको जनाइएको छ ।
