काठमाडौं,११ चैत/नेपाली कांग्रेसको केन्द्रीय कार्यालय सानेपा परिसरमा सभापति शेरबहादुर देउवाविरुद्ध नाराबाजी भएको छ ।
नेविसंघ र नेपाल तरुण दलको अध्यक्ष मनोनयनलाई लिएर डा. शेखर कोइराला समूह निकट विद्यार्थीहरुले नाराबाजी गरेका हुन् ।
प्रधानमन्त्री समेत रहेका सभापति देउवा केन्द्रीय कार्यसमिति बैठकमा सहभागी हुन सानेपा गएको वेला नाराबाजी भएको हो । पार्टी कार्यालय प्रवेश गर्ने सडक छेउमा बसेका कार्यकर्ताले देउवाविरुद्ध नाराबाजी गरेपछि माहोल तातिएको थियो।
