उर्लाबारी, १० असोज/मोरङको उर्लाबारीमा सोमबार पत्रकार ज्योति शर्मालाई सम्मान गरिएको छ । हाम्रो बचत तथा ऋण सहकारी संस्था उर्लाबारीको २६ औं साधारणसभाका अवसरमा पत्रकार शर्मालाई सम्मान गरिएको हो । शर्मालाई नगद पुरस्कारसहित सम्मानपत्र प्रदान गरिएको हो ।
डेढ दशकदखि पत्रकारिता क्षेत्रमा क्रियाशिल शर्मा हिमशिखर टेलिभिजन र राष्ट्रिय समाचार पत्र दैनिकमा आवद्ध छन् ।
सोही अवसरमा आठजना ज्येष्ठ नागरिक र ३० जना उत्कृष्ठ बचतकर्ताहरुलाई पनि पुरस्कृत एबम् सम्मान गरिएको छ । संस्थाले बाल बचततर्फ छ, दैनिक बचततर्फ दुई, दुई बर्षे आवधिक बचततर्फ दुई, एक बर्षे आवधिक बचततर्फ चार, प्रौढ बचततर्फ चार, नारी बचततर्फ तीन, ऐच्छिक बचततर्फ चार, हाम्रो समृद्धि बचततर्फ एक र सन्ध्याकालिन बचततर्फ चारजनालाई सम्मान गरेको हो ।
साधारणसभामा नगर प्रमुख गंगाप्रसाद खरेल र उपप्रमुख मिना खतिवडासहित २३ जना जनप्रतिनिधिहरुलाई पनि सम्मान गरिएको छ । संस्थाको शेयर सदस्य भएर स्थानीय तहको निर्वाचनमा बिभिन्न पदमा निर्बाचित भएका कारण उनीहरुलाई सम्मान गरिएको हो ।
संस्थाका अध्यक्ष डीबी थापाको अध्यक्षतामा सो साधारणसभा सम्पन्न भएको थियो ।
