उर्लाबारी, १३ असार/ नेपालमा खुद्रा व्यापारमा साम्राज्य वनाएको भाटभाटेनी सुपर स्टोरले आगामी साउनदेखि पार्टटाइम जागिर दिने भएको छ।
यसका लागि देशभर रहेका २७ वटा शाखाबाट आवेदन माग गरिएको छ।
घण्टाको आधारमा काम दिने र साप्ताहिकरुपमा तलब भुक्तानी गर्ने भाटभटेनीले जनाएको छ ।
अहिले सरकारले एक घण्टाको न्यूनतम ९५ रूपैयाँ ज्याला तोकेको छ। सरकारले तोकेको भन्दा १५/२० प्रतिशत बढी ज्याला दिने गरी व्यवस्था गरिने जनाइएको छ ।
एसइई पास गरेको र २१ वर्ष ननाघेका व्यक्तिलाई पार्टटाइम रोजगारी दिन लागिएको हो। पहिले आवेदन दिने र सम्बन्धित भाटभाटेनीको शाखाबाट नजिक बस्ने व्यक्तिलाई पहिलो प्राथमिकता दिइने छ। यसका साथै अन्तर्वार्ता विधिबाट छनोट गरिने उल्लेख छ।
