२०८३ आश्विन ६, मंगलवार

सेयर कारोबारमा लाभकर छुट

२०८३ आश्विन ५, सोमबार
पढ्ने समय : < 1 मिनेट
Written by 

उर्लाबारी, ५ असोज/सेयर कारोबारमा लाभकर छुटबारे मन्त्रिपरिषद्को निर्णय कार्यान्वयनमा आएको छ ।

अर्थ मन्त्रालयले सेयर बजार पुनरुत्थान कार्यक्रम अन्तर्गत पुँजीगत लाभकर छुटको प्रस्ताव अघि सारेको थियो । उक्त प्रस्ताव स्वीकृत गर्ने निर्णय मन्त्रिपरिषद् बैठकबाट भएको थियो ।

मन्त्रिपरिषद् बैठकको निर्णय राजपत्रमा प्रकाशित भएसँगै पुँजीगत लाभकर छुट  कार्यान्वयनमा आएको हो । अबकाे व्यवस्थाअनुसार नेपाल धितो पत्र बोर्डमा सूचीकरण भएको निकायमा ३६५ दिनभन्दा बढी अवधि स्वामित्वमा रहेको हित/सेयर बिक्री गर्दा प्राप्त लाभ रकममा  प्राकृतिक व्यक्तिको हकमा ३.७५ प्रतिशत लाभकर कायम गरिएको छ ।

यस्तै, ३६५ दिन वा सोभन्दा कम अवधि स्वामित्वमा रहेको हित/सेयर बिक्री गर्दा प्राप्त लाभ रकममा ५ प्रतिशत लाभकर कायम गरिएको छ । यो व्यवस्था आयकर ऐन, २०५८ को दफा ९५क. को उपदफा (२) को खण्ड (क) तथा अनुसूची-१ को दफा १ को उपदफा (४) को खण्ड (ख) बमोजिम लाग्ने लाभ रकमको हकमा लागू हुने राजपत्रमा उल्लेख छ ।

+ posts