पल शाहलाई साढे दुई वर्ष कैद

२०७९ भाद्र २१, मंगलवार

पढ्ने समय : < 1 मिनेट

नाबालिग गायिका माथि बलात्कार गरेको अभियोगमा थुनामा रहेका अभिनेता पल शाह (पूर्णविक्रम शाह) ले दुई वर्ष छ महिना जेल बस्नुपर्ने भएको छ ।

बलात्कार अभियोगबाट सफाइ पाएपनि बाल यौन दुरुपयोग गरेको अभियोगमा पलविरुद्ध अदालतले उक्त सजाय सुनाएको हो ।

जिल्ला अदालत नवलपुरका न्यायाधीश यज्ञप्रसाद आचार्यको एकल इजलासले मंगलबार उक्त फैसला गरेका हुन्।

पलले बाल यौन दुरूपयोगमा २ वर्ष ६ महिना कैद सजाय, २५ हजार जरिवाना र १० लाख क्षतिपूर्ति तिर्नुपर्ने अदालतले सजाय सुनाएको छ ।

पल शाहले बलात्कार अभियोगबाट सफाइ पाएका छन्, उनको मुद्दा बाल यौन दुरूपयोगमा झरेको छ । बाल यौन दुरूपयोगमा २ वर्ष ६ महिना कैद सजाय फैसला भएको छ।

जिल्ला अदालत नवलपुरबाट उक्त फैसला भए पनि तनहुँ जिल्ला अदालतमा भने नाबालिग बलात्कार मुद्दा विचाराधीन छ।

जिल्ला अदालत नवलपुरमा मंगलबार पीडित नाबालिगका तर्फबाट सरकारी वकिल डालबहादुर नेपाली, कमलराज पन्थी र बुद्धबहादुर थापाले बहस गरेका थिए भने पलका तर्फबाट वरिष्ठ अधिवक्ता कमलामोहन काफ्लेसहित सात जनाले बहस गरेका थिए।

पलले सुटिङका क्रममा तनहुँ र नवलपुरमा बलात्कार गरेको भन्दै एक नाबालिग गायिकाले उजुरी दिएकी थिइन्। तनहुँ प्रहरीमा गत फागुन ११ गते र नवलपुर प्रहरीमा फागुन १५ गते उनका बुवाले उजुरी दिएका थिए।

प्रहरीले नाबालिग बलात्कार अभियोग दर्ता गरेपछि तनहुँ अदालतले पुर्पक्षका लागि थुनामा पठाउने आदेश दिएको थियो।

उक्त आदेशविरूद्ध पल शाह उच्च अदालत पोखरामा पुनरावेदन गराएका थिए। उच्च अदालतले पनि जिल्ला अदालतकै आदेश सदर गरेको थियो ।

तनहुँ र नवलपुर दुवै जिल्ला अदालतमा गत वैशाखमा बकपत्र गर्दा पीडित नाबालिग र उनका बुवाले बयान फेरेका थिए। बकपत्रमा नाबालिगले आफूमाथि बलात्कार नभएको बताएकी थिइन् भने उनका बुवाले पनि छोरीले दिएकै बयान ठीक भएको बताएका थिए।

मावा टाइम्स

+ posts

गहुं छिटो उमार्न र राम्रो उत्पादन लिन यसो गर्नुहोस्

फागुन महिना भित्रै गहुँ फलाएर काट्न (भित्र्याउन) यसो गर्नुहोस्

उच्च अंक ल्याउने तीन विद्यार्थीलाई सम्मान

जीवन वचाउको २१ औं साधारणसभा

धान वालीमा मल व्यवस्थापन र किरा नियन्त्रण गर्ने तरिका

सवारी दुर्घटनामा शिक्षिकाको मृत्यु

विवादमा परेपछि भन्सार अधिकृत भट्टको सरुवा

उर्लाबारीमा नगरगान रचना गर्न आह्वान

भोटेकोशी बाढीपीडितको पुनर्स्थापनाका लागि ३ हजार २७९ रोपनी जग्गा पहिचान

सेयर कारोबारमा लाभकर छुट

सशस्त्रका सईको हत्या आरोपीलाई गोली हानेर पक्राउ

माथिल्लो त्रिशूली– १ मा थप ११ शव फेला